Posts

Showing posts from December, 2011

එයා ඉපදුන හැටි

Image
මට එයාව හමුවුනේ අවුරැදු කීපයකට කලින්. එදා හමුවුණු පළමු දවස මට අද වගේ මතකයි. එදයි, අදයි දිහා බලද්දි එදාට වඩා අද වෙනකොට එයා මාව සෑහෙන්න වෙනස් කරලා. එයත් ගොඩක් වෙනස් වෙලා. කොහොම වුනත්, එයා එදාට වඩා අද වෙද්දි මට ඕනෙ වෙලා කියලා මට දැනෙනවා.
එයා ගැන ලියන්න හිතුනෙ එයාගෙ උපන් දිනේ ළඟ එන හින්දයි. එයාට ලබන අවුරැද්දෙ ජනවාරි මාසෙදි අවුරැදු 37 සම්පූර්ණ වෙලා 38 ලබනවා. මට වඩා කොච්චර වැඩිමල්ද එයා. ඒත් මට හිතෙන්නෙම එයා මගෙ වයසෙමයි කියලා.
ඉතින්, මට හිතුණා එයා ඉපදුන හැටි හොයන්න. මට හම්බවුණා එයාගෙ උප්පත්ති කතාවම. මේ කියන්න යන්නෙ ඒ කතාව. මෙතන ඉදන් ඔන්න කතාව පටන් ගන්නවා.
එකදහස් නවසිය හැත්තෑ තුනේ(1973) අවුරැද්දෙ ඇමරිකාවෙ තිබුණා උසස් පර්යේෂණ ව්‍යාපෘති ඒජන්සිය කියලා ආයතනයක්. මේ ආයතනයේ තිබුණා පරිගණක විස්සක විතර ජාලයක්. මේ ජාලයට කිව්වේ ආපානෙට් (Arpanet) කියලා. මේ කාලෙදිම ලන්ඩන් යුනිවසිටි කොලීජියේ තිබුණා මේ වගේම පරිගණක ජාලයක්. ඔය කාලෙදි නෝර්වේ රටෙත් පරිගණක ජාලයක් තිබුණා ඒ රටේ ආරක්ෂක පර්යේෂණ ආයතනයේ. මේ කියපු ආයතන තුන එකතු වෙලා මේ ජාල තුන අතර තොරතුරැ හුවමාරැ කලා. හැබැයි ටෙලිපොන් වලින්.
මෙහෙම තමයි එයා ඉපදුනේ. මං එයා එයා…

G+ අවුරැදු තිළිණ

Image
Social network කිව්වහම අපි දන්න, අපේ කටට එන එකම වචනෙ තමයි facebook කියන්නේ. ලංකාවෙ අපිට එහෙම හිතුණට ලොකෙ දිහා බලද්දි අද වෙන කොට facebook හොඳම Social network එක කියන තැන ඉන්නෙ අඩමානෙට.ඒ facebook වල වැරැද්දක් හින්දා නෙමේ.දවසින් දවස ලෝකෙ වෙනස් වෙද්දි මෙහෙම දේවල් වෙනවා. කොහොම නමුත් මේ කියන්න යන්නෙ facebook ගැන නෙමේ.Google+ ගැන


G+ අපිට අලුත් වුනාට ලෝකෙ අනිත් රටවලට ඒක අලුත් දෙයක් නෙමෙයි.කොටින්ම කිව්වොත් G+ තමයි දැන් facebook එක්ක තරඟෙට ඉන්න එකම බලවතා.ඔය facebook Timeline එක දැම්මයි කියන්නෙත් G+ වල තියන අලුත් දේවල් බලාගෙන කියලයි කියන්නේ.


කොහොම වුනත් G+ වැඩේ අතඅරින්නෙ නැති පාටයි.ඔන්න අලුත් අවුරැද්දට G+ අලුත්featuresටිකක් දාලා.ටිකක් කිව්වට හතරක් විතර.


1 වෙනි එක තමයි   main stream එකට තමන්ගෙ circle වලින් තමන්ට කැමති ප්‍රමාණයක Posts පෙන්නන්න පුළුවන් විදිහට හදාගන්න එක.මේක හදාන්න settings අස්සෙ රිංගන්න ඕනෙ නෑ. main stream එකේම තියනවා adjust කරන්න slider එකක්. ඒකෙන් එහා මෙහා කරලා තම තමන්ට කැමති විදිහට circle වලින් main stream එකේ පෙන්නන්න ඕනෙ Posts හදාගන්න පුළුවන්.




2 වෙනි එක තමා notifica…

Before the Dawn

Image
Codes වලට හිරවෙලා ඉඳලා මමත් දැන් Program එකක් වෙලාද මන්දා. හිතට නිර්මාණාත්මක හැඟීම් ගලා ඒම බින්දුවටම බැහැල වගේ.

ඉස්සර ඒ කියන්නෙ මේ Blog එක පටන් ගත්ත කාලෙ එක එක ජාති වල  නිර්මාණාත්මක හැඟීම්  හෙනට තිබ්බා.සමහරක් ලිව්වා. Expresses එකක් වුනත් නිර්මාණාත්මක විදිහට කෙටුවනෙ ඉස්සර. මේ Programing වලට බැස්සට පස්සෙ නිර්මාණාත්මකව ඒ කිව්වෙ creative විදිහට ලියන්න මොකක්ද වගේ.ඒ හින්දා ආයෙම යන්න හිතුව පරණ පුරැදු විදිහට.

කලින් Post එකක කෙටුවනෙ ඉයන් ගෝලර්ගෙ ජීවිත කතාව ඉයන් ගෝලර්ගෙ.දැන් කියන්න යන්නෙත් ඒ වගේ ජීවිත කතාවක් ගැන වුණාට මේක පොතක්.

මෙහෙමයි..පොතේ තියෙන්නෙ වාං ශියාඕ-හෝ කියන චීන ජාතික කම්කරැවගෙ ජීවිත කතාව.ජීවිත කතාවක් වුනත් මේ කතාවෙන් කියවෙන්නෙ චීන කොමියුනිස්ට් පක්ෂය එක්ක සම්භන්ධ වුණු සිදුවීම් පෙළක්.පොතේ නම තමයි "Before the Dawn'' . මේ පොත සිංහලට පරිවර්තනක් තියනවා. ලියලා තියෙන්නේ උපාලි අභයඝගුණවර්ධන කියන ලේඛකයා.මුල් පොත චීන ජාතික ලේඛකයෙක් වන චාඕ ත්සු ගෙ. 1994 දි තමයි මේ පොත ලංකාවෙ මුද්‍රණය කලේ ප්‍රජා ප්‍රකාශකයෝ.

1920 ගණන් වල චීනය කායි ශෙක්ගේ නායකත්වයෙන් කුඹමින්තාං පාලනය යටතේ තමයි තිබුණෙ.ඇත්තම…

හෙනට වැඩ..!

Programලිවිල්ලත් හිතුව තරම් ලේසි නෑ රජෝ.කොඳු කඩාගෙන Type කරලා Program එක Run වුණේ නැතුවහම මට හෙන තරහයි.කා එක්කවත් නෙමේ මාත් එක්ක. වැඩේ කියන්නෙ එහෙම උනාම කොහොමහරි මේක කරනවමයි කියල හිතෙනවනෙ.

මේ වැඩේට සප් එකක් දෙන්න කවුරැත් නැති තරමට මට හොඳයි කියලයි හිතෙන්නෙ.මොකද මට සප් දෙන්න ගත්තහම මං ඉවරයක් නැතුව ඉල්ලනවනෙ.අනික ස්ව්‍යං අධ්‍යාපනේට මම එකෙන්ම කැමතියි. ඉස්සර ඉස්කෝලෙදිත් මං අපේ Bio මැඩම් කියන Note එක ලියගන්නෑ අනිත් උං වගේ. මොකටෑ. ඒ Note එක මම කලිං අවුරැද්දෙ අක්කෙක් ගෙන් ඉල්ලගත්තනෙ.  හික්! හික්!!

 Java Program Language එක ලේසියිලු Pascal වලට වඩා.Java ත් කරන්න ඕනෙ.අනික Pascal වලින් මහ දෙයක් කරන්නත් බෑ. dedunu ගෙ Blog එකේ තිබුණා Program Language ගැන Post එකක්.ඒකෙ හැටියට නම් Java තමා දැන් ගොඩක් කරන්නෙ.
Programing Course එකක් කරන්න හිතං ඉන්නෙ ලබන අවුරැද්දෙ.මේ දවස් ටික ඉක්මනට යන්නෙත් නෑ.



මේ දවස් වල අපි අපි වගේ...!

Blog ලිවිල්ල පැත්තකට දාලා Programing කරන්න පටන් ගත්තෙ දැන් සති 2 ක් 3ක් විතර ඇති.අලුත් වැඩකට අත ගැහුවෙ මේ සැරේ නං මේක හොඳට කරනවයි කියලා හිතාන. අතීත කාලය අමතක කරන්න මේක තමයි හොඳම ක්‍රමේ කියල මං හාහා පුරා කියලා වැඩේට අත ගැහුවෙ Pascal වලින්. Program 1ක් 2ක් විතර ලිව්වා.තව ඉගෙන ගන්න ඕනෙ.


ඉස්සරහට යද්දි වැඩේ Set වෙයි කියලා හිත කියනවා. පොත් ටිකක් හොයා ගත්තා වැඩේට උදව්වට. Download කරනව හිටු කියලා එක එක පාඩම්. Virus වලටත් අහුවුණා ඔය වැඩෙන්. යන්තම් ඇඟ බේරගත්තා.


 Blog ලියන්න පටන් ගත්තෙ හිතේ දුක අඩු කරගන්න හිතන්නෙ. ඒකෙන් වුණේ කෙහෙල්මල් අතීතය ආයෙම මතක් වෙන එක විතරයි. පරණ කතා මේ Blog එකේ ලියලා තිබ්බට එයා බලන්නෑ. ඒක මං දන්නවා. අනික ඒවයෙන් එයාට දැන් වැඩක් නෑ. ඒ හින්දා අතීතකාලයට තිත තියන්න මං කල්පනා කලා. අතීතයක් නැතුව වර්තමානයක් නෑ තමා. ඒත් අතීතය හින්දා මගෙ වර්තමානය චාටර් කරගන්න බෑ.

මේකට කියන්නෙ පුනරාගමනය කියලයි...!

හික්..හික්..හික්...!!!






නුග ගහ,මම සහ ඇය(කෙටි කතාව)

Image
" මං මැරැනොත් ඔයා මොකද කරන්නෙ... කියන්නකො ධනූ?      ඔයත් මැරෙනවද? " නිලූ දෙවෙනි සැරේටත් කළින් ප්‍රශ්නෙම මගෙන් ඇහුව. ඒ වෙලාවෙ අපි හිටියෙ නුග ගහක් යට තිබුණු බංකුවක ඉදගෙන. නුග ගහේ අතු හෙළවෙන සද්දෙට කන් දීගෙන මං හිටියෙ. එයා මගෙ උරහිසට හේත්තු වෙලා එහෙම කිව්වහම මං කියපු වචන ටික මට අද වගේ මතකයි.




මොනවද මැණිකෙ මේ කියන්නෙ..පිස්සු කතා කියන්නැතිව ඉන්න.අපි මෙතන්ට ආවේ ඕවා කතා කරන්නද..වෙන දෙයක් ගැන කතා කරමු.
“ඔයා ප්‍රශ්ණෙ මඟ අරිනවා. අනේ කියන්න ධනූ ඔයා මැරෙනවද...නැත්තං මාව අමතක කරනවද...ඒක විතරක්  මට කියන්න මගෙ මහත්තයො..."
"ඔයා මැරැනොත් මං ඔයාගෙ මල ගෙදරවත් එන්නෑ.''
මං එහෙම කියාගෙන චූටි නහය මිරිකුවෙ කෙල්ලව තව ටිකක් තරහා ගස්සවන්න හිතාගෙන.


ඔයා හරි නරකයි කියාගෙන එයා උරහිස ඔළුවෙන් තවත් තද කළා.
ඔය ඇත්තමද පැටියො...කියන්න අනේ Please.... ?
“හරි,මට කියන්න මං මැරැණොත් ඔයා මොකද කරන්නෙ...හැබැයි බඳින්න කලින් හරිද?
''ඇයි බඳින්න කලින්..!“
හරි..හරි.. බඳින්න කලිං හරි බැන්ඳට පස්සෙ හරි..ඔයාට වචනයක් එහා මෙහා වෙන්න බෑනෙ කන්න වගේ බලනවා. හා දැන් කියන්නකො...
ම්ම්ම්....මංද...මං එක තප්පරයක් ජීවත් වෙන්න…

චක්‍රීකරණය මම දැකපු හැටි..!

Image
අපි කොයිතරම් චක්‍ර ගැන අහලා තියෙනවද?
පුංචිම කාලෙ ඉගෙන ගත්ත ජල චක්‍රය මතකද? ආ....එතකොට ඊට ටිකක් ලොකු කාලේ ඉගෙන ගත්ත නයිට්‍රජන් චක්‍රෙ,ඇයි කාබන් චක්‍රය......

විද්‍යාව මේ චක්‍ර උගන්නද්දි  ආගමෙන් අපිට උගන්වනවා "සංසාර චක්‍රය"

මං ඔය කිව්ව චක්‍ර ඉගෙන ගන්න සෑහෙන කාලෙකට කලින්,(ඒ කියන්නෙ පොඩි එකා කාලේ හරිද )අම්මා උගැන්නුවා චක්කරේ. මතකයි දැනුත් චක්කරේ වැරද්දලා ඇනපු ටොකු එහෙම..

ඔය කාලේ සිද්ධ වුණු පොඩි සිද්ධියක් මතක්  වුණා මේ ළඟදි දවසක. ඒක මතක් වෙන්නත් හේතුවක් තියනවා. ඒවා පස්සට හොඳේ. මතක් වුණු වෙලාවෙම කියලා ඉන්නම්කො. නැත්තම් අමතක වෙනවා.


ඔය දවස් වල තමා අපේ ඉස්කොලෙ ඉතිහාසය මිස් පෘථිවිය ගැන කියලා දෙද්දි කිව්වෙ පෘථිවිය තමා වටේ චක්‍රීයව කැරකෙනවා කියලා. අංශක ගානක ආනතියකින්ලු කැරකෙන්නෙත් කියලා මිස් කිව්වා.
ඔය කතාව එදා මට හරියට තේරැනේ නෑ. ඔහොම කැරකෙනව නම් අපි කොහොමද මෙහෙම ඉන්නෙ? අපිවත් විසිවෙන්න එපෑ.මට හිතුනෙ එච්චරයි. (ඒ කාලෙ මට පොඩි නිසා,නැතුව මොළේ අඩුවක් පාඩුවක් හින්දා නෙමේ ඔන්න)
ඕක මං එදා දවසම කල්පනා කර කර ඉදලා ගෙදර ගිහින් අයියගෙන් ඔය ගැන අහලා බැලුවා.

"  ඇයි මලේ, හඳත් පෘථිවිය වටේ කැරකෙනවා නෙ'…

මගේ ගැලවුම ඔයයි රත්තරං

Image
කාන්ති miss ගේ
හෝඩියෙන් පටන්ගත්
පලමු රචනා ප්‍රශ්ණය
ප්ලාස්ම පටලය වූ,
150 න් 135 ක්ම ගන්න
අනිත් අයට අමාරැ වුනත්
මම හදින්ම ආලය කළ Bio ....
1st shy එකේ ගැලවුම
ඔයයි රත්තරං....

ජීවිතේට ආදරෙන්..!

Image
"අපි අපි වගේ" Blog එකට අලුතින් එකතු වෙන විශේෂාංගය තමයි මේ. ජීවිතේ දිහා වෙනස් විදිහකම බලන්න ගන්න උත්සහයක් කියලා කිව්වොත් හරියටම හරි .





" ඔයා තව සති දෙකකින් මැරෙනවා.ඒක නවත්තන්න කාටවත් බෑ.මරණයට ලෑස්තවෙන්න."
ඔයාට පිළිකාවක් හැදිලා ඩොක්ට කෙනෙක් ළඟට ගිය වෙලාවක ඩොක්ට ඔයාගෙ ලෙඩේ පරික්ෂා කරලා බලලා එයාගෙ ඇස් දෙක දිහා බලාගෙන එය විදිහට කිව්වොත් ඔයා මොකද ඊට පස්සෙ කරන්නෙ.

මෙහෙම කිව්වට ඔයාට ඒක ගැන කිසිම හැඟීමක් නැතුව ඇති. එහෙම දෙයක් වුණාම තමයි මිනිස්සු වෙන අපි හැමොටම තේරෙන්නෙ. ඒකට වැරැද්දක් කියන්නත් බෑ. ඒක මිනිස්සුන්ගෙ හැටි.

මීට හරියටම අවුරැදු 38 කට කලින් මේ කලින් කියපු විදිහට ඩොක්ට කෙනෙක් තමන් ළඟට ආව පිළිකාවක් හැදිලා තිබුණ ලෙඩෙක්ගෙ මූනටම කිව්වා. ඇත්තටම කිව්වයි කියන්න බෑ. ඒ ලෙඩා තමයි ඇහුවෙ දවස් කියකින් මම මැරෙනවද කියලා. ඉතින් ඩොක්ට ට නොකියා ඉන්න බැරි වුණා.

ඔය කියපු ලෙඩාට තිබුණෙ දුලබව හමුවන පිළිකාවක්. 1974 දි විතර තමයි ඔය පිළිකාව හැදිලා කියලා හොයාගත්තෙ. 1975 ඒ කියන්නෙ පිළිකාව හොයා ගෙන හරියටම අවුරැද්දකට පස්සෙ දකුණු කකුල කපන්න සිද්ධ වුනා. ඒ පිළිකාව පැතිරෙන එක වළක්වන්න.

මේ ලෙඩා තමයි ඉයන් ගෝල…